Bachpan Poetry

MehktiShairy brings you the fresh and latest collection of beautiful Bachpan Poetry in urdu and hindi.
You can add your selection of Best Bachpan and childhood Shayari here to publish on this page.


Khoobsurat saman tha bachpan main…

Khoobsurat saman tha bachpan main,
Dost sara jahan tha bachpan main,

Chaand pr tum ne ghar banaya he aaj,
Mera ghar to wahan tha bachpan main,

Kamsini kia kamal hoti he,
Main to aik kehkashan tha bachpan main,

Ho baray bad-tameez, sharam karo,
Lab pe fiqra rawan tha bachpan main,

Hum sa koi nahin he dunya mian,
Haan ye ghalib guman tha bachpan main,

Mere charon taraf thay phool hi phool,
Har shajar sayeban tha bachpan main,

Cher kr hansna, Hans kr ro dena,
Dil bara tatawan tha bachpan main,

Tha main shehzada, aur parion ka,
Sang mere karwan tha bachpan main,

Aaj he zard mera chehra to kia?
Surkh aatish fishan tha bachpan main,

Khalaq ko ab wahan rasai hui,
Zehn mera jahan tha bachpan main,

Ab he kamzor tu Raza lakin,
Ik gabhroo jawan tha bachpan main…

Mujhko yakeen hai sach kehti thi…

Mujhko yakeen hai sach kehti thi jo bhi ammi kehti thi
Jab mere bachpan ke dine the, chaand mein pariyaan rehti thi

Ek ye din jab apnon ne bhi humse naata tod liya
Ek wo din jab ped ki shaakhen bojh hamara sehti thi

Ek ye din jab saari sadken ruthi ruthi lagti hain
Ek wo din jab aao khele saari galiyan kehti thi

Ek ye din jab jaagi raaten diwaaron ko takti hain
Ek wo din jab shaamon ko bhi palken bojhal rehti thi

Ek ye din jab laakhon gham aur kaal pada hai aansoon ka
Ek wo din jab ek zara sa baat pe nadiyaan behti thi

Hum to bachpan mn bhi akele thay…

Hum to bachpan mn bhi akele thay,
Sirf dil ki gali mn khele thay,

Ik taraf morchay thay palkon ky,
Ik taraf aansuon ky relay thay,

Thi saji hasrten dukanon pr,
Zindgi ke ajeeb melay thay,

Khud kushi kia dukhon ka hal banti,
Mout ke apne sou jhamailay thay,

Zehn-o-dil aaj bhookay marte hain,
Un dinon hum ne faqay jhailay thay

Neend to bachpan me aati thi…

Neend to bachpan me aati thi,
Ab to bas so jate hain’…..!!

Ek umer kat geyi ye bachpana nahi jaata…

Ek umer kat geyi ye bachpana nahi jaata,
Hum diye jalate hai aaj bhi teri aahat par

Umr-e-rawan phir nahin muskurai bachpan ki tarah…

Umr-e-rawan phir nahin muskurai bachpan ki tarah,
Mn ne girya bhi khareedi, khilone bhi le kar dekhe

bachpan  shayari

Chalo Aao Khelte Hain”Kheel Wo Bachpan Ka…

Chalo Aao Khelte Hain”Kheel Wo Bachpan Ka
Tum Guria Ko Dulhan Banao”Main Barat Lai Ker Aata Hn

Kaash Main Palat Jaoon Bachpan Ki Waadi Mein…

Kaash Main Palat Jaoon Bachpan Ki Waadi Mein,
Na Koi Zaroorat Thi Na Koi Zaroori Tha

Poocha jo charagar nay k Umr-e-Marz hai kya…

Poocha jo charagar nay k Umr-e-Marz hai kya,
Wo muskura k bolay k bachpan say ishq hy

Titliyan Pakarnay Main Door Tak Nikal Jana…

Titliyan Pakarnay Main Door Tak Nikal Jana,
kitna Acha Lagta Hay Phool Jaisay Bachoun Par